Visit Greenland
pillugu

Nunatsinni Takornariaqarnermut Siunnersuisoqatigiit tassaapput, takornariaqarnerup inuussutissarsiornerullu ineriartortinneqarnissaannik akisussaaffeqartut. Namminersorlutik Oqartussanit pigineqarpugut, aktieselskabitullu pilersinneqarnikuulluta. Tikiffinnik ineriartortitsineq, nunap immikkoortuisa nunallu tamarmiusup ilisarnaataannik avammut nittarsaaneq kiisalu nutaaliorneq aqqutigalugit Kalaallit Nunaata misigisassarsiorluni umiarsuillu takornariartaatit atorlugit tikiffissatut pitsaasutut ineriartortitsinermik suliaqarpugut. EU-mi nunallu avannarliit suliniutaasa siuarsarnissaanut Kalaallit Nunaata allattoqarfia aamma illoqatigaarput.

Takorluukkagut

Isiginninniarneq, ilisimasanik paarlaasseqatigiittarnerit isumassarsianillu ineriartortitsinerit aqqutigalugit suleqatigut peqatigalugit akisussaaffilimmik ineriartortitsinermik pilersitsisarpugut.

Naleqartitagut

  • Akisussaaffeqarneq
  • Ammasuuneq
  • Pimoorussineq
  • Nutaaliorsinnaaneq
  • Suleqatigiinnerlu

Iliuusissatut anguniakkagut:

  • Nunatta nakooqutai, naleqartitat, kulturi nunallu immikkoortuisa tamatigoortuuneri tunngavigalugit Kalaallit Nunaata isigineqarneranik immikkuullarissumik nittarsaanermik pilersitsinissaq ineriartortitsinissarlu.
  • Nunap immikkoortuini attaveqaqatiiffinnik ilisimasanik paarlaasseqatigiiffiusartunik isumassarsianillu ineriartortitsiviusunik ikiuinissaq tapersiinissarlu.
  • Ilisimasatta immikkullu pisinnaasatta atorneqarnissaat, taamaalillunilu takornariaqarnerup ineriartortinneqarnerani inatsisikkut sinaakkutinik pitsaanerpaanik aalajangiisartut suliaqarneranni ikiuinissaq.
  • Pisuussutit annertunerpaamik atorneqarnissaat qulakkeerniarlugu isiginninniarnissaq tulleriissaarinissarlu.

Oqaluttuarisaaneq naatsumik

Suliffeqarfik - siornatigut Nunatsinni Takornariaqarnermut Siunnersuisoqatigiiffittut ilisimaneqartoq - Kalaallit Nunaanni takornariartitsisarnerup ingerlaannarsinnaasup ineriartortinneqarnissaa siunertarlugu1992-imi pilersinneqarpoq. Ukiuni siullerni takornariartitsinermi tuniniaasarpagut umiarsuarlu takornarissanik angallassisartoq Kalaallit Nunaata sineriaani angalasartoq ingerlallugu. 1997-imiit inuussutissarsiutiginagu avammut nittarsaassinermi ineriartortitsinermilu siunnersuisoqatigiiffinngorpugut.

Suliffeqarfik 2005-imi ateqalerpoq Nunatsinni Takornariaqarnermut Inuussutissarsionermullu Siunnersuisoqatigiiffik, tassa ingerlatsiveqarfitsinni aallarnisaasunut suliffeqarfinnullu mikisunut siunnersuisarneq ilanngukkatigu.
Uani nassaarisinnaavatsigut

Nuummi Kalaallit Nunaanni qullersaqarfeqarpugut K√łbenhavn imilu Danmarkimi sinniisoqarfeqarluta.