2017-imi Vestnorden Travel Marteqarnissaanut suliniummik ingerlatsisussaq

Visit Greenland, 2017-imi Vestnorden Travel Marteqarnissaanut suliniummik aqutsisussamik suliarinnittussarsiorpoq.

2017-imi 19. – 21. Septemberi angalatitsisunut nuisitsineq (rejsemesse), Vestnorden Travel Mart, Nuummi ingerlanneqassaaq. Takornarialerisut 350 missaaniittut peqataassapput, oktoberimilu 2016-imi piareersarneq aallartinneqassalluni.

Suliniummik Aqutsisoq nammineerluni Visit Greenlandi VNTM 2017-imilu styregruppe suleqatigalugit suliniummik pilersaarusiorneq ingerlatsinerlu akisussaaffigissavaa.

Suliniummik Aqutsisoq aamma suliniut tamakkiisumik ilisimasaqarfigissavaa, ingerlanneqarneranilu Visit Greenlandimut styregruppemullu nalunaarusiortassalluni.

Suliniummik aqutsisup ukua akisussaaffigissavai:

  • Pisisartut tuniniaasullu pillugit suliniummik pilersaarusiorneq ingerlatsinerlu. 
 

  • Peqataasussanut tamanut, nunallu Takornariaqarnermut Siunnersuisoqatigiivinut paasissutissanik ingerlatitsisarneq. 

  • Visit Greenlandi Styregruppelu suleqatigalugit suliassat annerusut pilersaarusiorneri ingerlannerilu.
  • 
Piffissap qanoq ingerlanneqarnissaanut suliniutillu agguataarnissaanut pilersaarusiorneq .

  • Suliniutip tamakkiisumik ingerlanneqarnissaanut aningaasat agguataarnissaanut pilersaarusiorneq, aningaasallu atorneqarnerini malittarinninneq, Visit Greenlandimullu qaammatikkaartumik nalunaarusiortarnissaq

Visit Greenland Styregruppelu suleqatigalugit ataqatigiissaarineq.

Suliarinnittussarsiornermi qinnuteqarneq kingusinnerpaamik Tallimanngiornermi 14. Oktober pissaaq.

Paasisaqarnerorusukkuit Visit Greenland saaffigiuk,

Laila Kreutzmann laila@greenland.com