Visit Greenland A/S, inuiaqatigiit takornariaqarnermut isumalioqatigiissitaat tamakkiisumik Namminersorlutik Oqartussanit pigineqartoq, nutaamik pisortassassarsiorpoq. Ukiorpassuarni Visit Greenlandip pisortaata nutaanik pissangartunik ujerlernissi toqqarsimavaa, taamaattumik pisortassamik nutaamik aqutsinermik piginnaasaqarluartumik pissarsiorpugut, takorluuisinnaassuseqartut nutaaliornermillu piginnaaneqartut akornanni katerisimaarfiusumi.

Visit Greenlandip takornariaqarnikkut ineriartortitsineq pilerisaarinerlu, kiisalu Kalaallit Nunaata qaammarsaassutiginissaa avammullu nittarsaannissaa isumagisarai, tamannalu takornariaqarnikkut inuussutissarsiutillit, nunap immikkoortuini takornariaqarnikkut kattuffiit kiisalu Naalakkersuisut qanimut suleqatigalugit ingerlanneqarluni. Aggustip aallaqqaataat 2017 imaluunnit tamatuma kinguninngua atorfinittussamik pisortassarsiorpugut.

Aqutsisutut atorfik neqeroorutigaarput:

• pikkorissunik tunniusimaartunillu sulisulik - takornariaqarnikkut inuussutissarsiutip ineriartortinnissaanut suliassanillu nutaanik pissangartunik pisoqarfiusoq, matumani takornariagassatut aaqqissuussinerit nutaat inerisarneqarlutik, takornariaqarnikkullu inerisaanerit nunatta ataqatigiinnermut attaveqarfiisa annertuut pilersaarusiorfigineqarneranni tulluarsaanissaq suliniutigineqarluni, kiisalu nunatta aningaasarsiornikkut piujuartitsinermut aqqutaa peqataaffigissallugu

• pilerisaarinernik nutaanik inerisartitsiffiusoq

• nunatta iluani avataanilu amerlasuunik attaveqaateqarfiusoq



Naatsorsuutigaarput:

• naleqquttumik qaffasissumik ilinniagaqarsimasutit aqutsinermillu paasisimasaqarnissat

• takornariaqarnikkut inuussutisarsiuteqarnermik tunuliaqutaqarnissat

• suleqatitit aqullugillu qiimmatsatsissinnaagitit, peqatigalugulu oqartussaaqataanermik aallaaveqarlutit kattuffimmi piginnaatitsissutit ataqqillugillu atorumaaritit

• pilersaarusiorluni aaqqissuussinermi pilersaarusiorlunilu aqutsinermi suliaqarnermik misilittagaqartutit

• ulluinnarni ingerlatsineq, allaffissorneq aningaasaqarnerlu qulakkeersinnaassagit

• pilersaarutit aaqqissuussinnaagitit aamma nutaaliornernik ineriartortitsisillutillu pilersitsisinnaasutit

• najugaqarfinnilu takornariqarnikkut peqatigiiffiit, kommunit, takornariqarnikkut peqatigiiffiit, nunat tamalaat akornanni suleqatigisat kiisalu naalagaaffinni ataasiakkaani politikkikkut allaffissornikkullu aalajangiisartut takornariaqarnikkut suleqatiginerini inussiarnersuusutit

• isummanik naalaartuusutit isumassarsiorluartuusutillu, inuussutissarsiummi matumani takornariaqarnikkut ilisisimasanut nutaanut ujartuisuusutit

• atassuteqarniartuusutit akuersortuusutillu, avatangiisini illuatungaatigut assigiinngitsunik arlalippassuarnik inuussutissarsiutinik soqutigisaqartuni, illuatungaatillu politikkikkut ataqatigiimmik aaqqissuussamik aqunneqartuni aalajangiisoqarfiusunilu aqutsisinnaasutit akunnaallisaarillaqqissuusutillu

• qiimmatsatsisinnaasutit, taamaalillutit Visit Greenlandip takornariaqarnikkut ineriartuutissatut isumassarsiai nalilersorneqarlutillu misilittarneqarniassammata

• avammut nittarsaassineq qarasaasiakkullu toqqaannartitsineq ilisimasaqarfigilluarlugillu milittagaqarfigilluaritit 

• inuiaqatigiit kalaallit, kulturiat oqaluttuarisaanerallu paasisimasaqarfigilluarlugillu ilisimasaqarfigilluaritit, kiisalu

•  kalaallit, tuluit danskillu oqaasii atorlugit isumaqatigiinniassuseqarsinnaasutit

Naatsorsuutigaarput inuttut:

• assigiinngisitaartuunermut ammasuusutit

• kajumissuseqartitsilersinnaallutillu tiguartitsisinnaasutit

• suleqativit akissarsiutigalugu inuttullu ineriartornerat soqutigisaqarfigigitit

• nutaanik pilersitsisinnaallutillu takorluuillaqqissuusutit pisimasunik soqutigisaqartutit

• qanoq pisoqarnera najoqqutaralugu assigiinnillu suliaqarfiup massuma siunissaa eqqarsaatigalugu piviusorsiortumik isiginneriaaseqartutit 


Annerusumik paasisaqarusukkuit siulersuisut siulittaasuannut Kenneth Høeghimut saaffigininnissannut tikilluaqqusaavutit, oqarasuaat +299 565604

Qinnuteqarsinnaaneq marlunngorneq apriilip 12-anni, 2017 kitaata nalunaaqutaa najoqqutaralugu nal.12:00-imut killeqarpoq.



Qinnuteqaat Visit Greenlandimi siulersuisut siulittaasuannut nassiunneqassaaq:

Kenneth Høegh, e-mail:

kenneth@south-greenland.com

Visit Greenlandip siunertaa tassaavoq Kalaallit Nunaata takornariarfissatut ineriartortinnissaa pilerisaarutiginissaalu kiisalu Kalaallit Nunaanni takornariarnerup inuussutissiarsiutitut aammalu misigisassarsiornikkut aningaasaqarnerup nukittorsarnissaa. Tamatuma saniatigut takornariarnikkut inuussutissarsiuteqarneq misigisassaqarnikkullu neqerooruteqarneq kiisalu ilisimasat piginnaatitsinerillu eqqarsaatigalugit akunniliulluni takornarialerisunut sulissussineq immikkut pingaarnertut sammineqarput. Tamatuma saniatigut ersarilluinnartumik assitalerlugu takuneqarsinnaasumik pilerisaarutiginninnerup ineriartortinnissaa pingaartinneqarpoq, taamaattumik Kalaallit Nunaata neqeroorutigisinnaasarpassuisa ilisimaarineqarnerat nunatta tikeraarneqarnissaanut qulakkeerinnissutaassaaq. Visit Greenlandimi sulisut 15-iupput, amerlanerpaat Nuummi qitiusumik allaffeqarfimmi sulisuullutik kiisalu Namminersorlutik Oqartussat Københavnimi aallartitaqarfiani inuit pingasut. Namminersorlutik Oqartussaniit ukiumoortumik ingerlatsinermut aningaasaliissutit pissarsiarineqartarput, tamatuma saniatigut assigiinngitsunik pilersaarusiaqarpoq suleqatigiinnermullu isumaqatigiissusiaqarluni, taakkulu tassaapput aningaasat avataanersut ilapertuutaasut.