Ammasuuviit sullissinermik nuannarisalik kiisalu sullivimmi ulapaarfiusumi nutaaliorfiusinnaasumi sulisinnaavit, taava Visit Greenlandimi receptionistitut sulinissaq immaqa ilinnut soqutiginarsinnaavoq.

Suliassatit pingaarnerit soorlu makkuupput:

  • Receptionistitut sulineq, soorlu oqarasuaat tigusarlugu, isertut isernerini isumagalugit
  • Mailit oqarasuaatikkullu saaffiginnissutit tuluttut, qallunaatut kalaallisullu akisarlugit
  • Ataatsimiittoqarnerani sullissineq
  • Angalanissanik inniminniinerit
  • Allakkat takkuttut isumagalugit
  • Allaffimmi atortunik pisiniarneq
  • Suliassat assigiinngitsut takkuteriataarsinnaasut.

Uagutsinnut pingaartuuvoq piumassuseqarlutit suliffeqarfiullu anguniagai aallaavigalugit kajungerlutit sulisinnaanerit.

Oqalussinnaanerit ajunngittariaqarpoq, taamaammallu ersarissumik oqarasuaatikkut mailitigullu nassuiaasinnaassariaqarputit. Suliffeqarfiup avammut nipigissavaatit aamma Visit Greenlandimi suleqatigiit ilagissallutit.

Sulilerfissaq 1. august siusinnerusukkulluunniit.

Qinnuteqarfissaq kingulleq: 22. juni 2016.

Atorfik pillugu paasisaqarnerorusukkuit uunga saaffiginnigit: Anders la Cour Vahl anders@greenland.com, mobil: 55 25 34