Asasara atuartoq,

Inuiaqatigiinni inuutissarsiorneq nunallu innuttai qaffasinnerusumik appasinnerusumilluunniit takornariaqarnerup kalluarpai, taamalu Kalaallit Nunaata aningaasaqarneranut pingaarutililimmik pilersueqataalluni.

Periuseq atorneqarsinnaalluni toqqaannartumik toqqaannanngitsumilluunniit misigisaqartitsinermik inuutissarsiortuniit/takornarialerisuniit – toqqaannartumik naapitsisuniit, ingerlatseqatigiiffinnut (kommune’nut) allaffissornikkullu ingerlatsivinnut takornariaqarnermi sinaakkutitut atugassanik suliaqartuusut eqqarsaatigalugit, kiisalu ilinniarfiit inuutissarsiut pillugu ilisimasanik pilersitsiviusut ingerlatitseqqiiviusullu eqqarsaatigalugit.

Visit Greenland’ip takornariaqarnikkut periuseq 2016 – 2019 nutarteriffigaa periutsimik 2016 – 2019’imik, nuna tamakkerlugu takornariaqarnikkut periutsimit nutaamit aallaaveqartumik, aammalu siunertaralugu ukiuni kingullerni 3 nunarsuarmi maanilu nunami takornariaqarnikkut inuutissarsiutip allanngoriartorneranut naleqqussarnissaq. Periuseq taamaasillutik ullumikkut takornariaqarnikkut killiffimmik aallaaveqarpoq, sinaakkusiussassatut pitsanngorsaatinik aallaaveqarluni, aammalu Kalaallit Nunaanni nunarsuarmilu pisisartoqarfinni ineriartornerit nalunaarsorneqarsinnaasut aallaavigalugit.

Periutsip allaaserineqarneratigut ataatsimut takussaasunngortinniarneqarput tulleriiaarinerit aaqqiissutillu pisariallit Visit Greenland’ip ukiuni tulliuttuni pingasuni inuutissarsiummik ineriartortitsinera annertusaaneralu suli sunniuteqarnerusumik pisinnaaqqullugu.

Atuarluarna
Anders Stenbakken Visit Greenland

TAKORNARIAQARNIKKUT PERIUSISSAQ PDF-INNGORLUGU AAGUK